താഴെ പടനിലത്ത് ഓടുന്ന കാർ കത്തി നശിച്ചു

പടനിലം | താഴെ പടനിലത്ത് ഓടുന്ന കാറിന് തീ പിടിച്ചു. ഇന്നലെ രാത്രി പതിനൊന്നരയോടെയാണ് സംഭവം. അമ്പലവയലിൽ നിന്ന് മെഡിക്കൽ കോളേജിലേക്ക് പോകുന്ന വണ്ടിക്കാണ് തീ പിടിച്ചത്. എൻജിന്റെ ഭാഗത്തുനിന്ന് പുകയുയരുന്നത് കണ്ടതോടെ കാറിലുണ്ടായിരുന്നവർ പുറത്തിറങ്ങിയതിനാൽ ആളപായമില്ല. രണ്ടുപേരാണ് കാറിലുണ്ടായിരുന്നത്. തീപ്പിടിത്തത്തിൽ കാർ പൂർണമായി കത്തിനശിച്ചു.

നരിക്കുനി അഗ്നി രക്ഷാ യൂണിറ്റിൽ നിന്നു സീനിയർ ഫയർ ആൻഡ് റെസ്ക്യൂ ഓഫിസർ രാഗിന്റെ നേതൃത്വത്തിൽ എത്തിയ രണ്ടു യൂണിറ്റ് ചേർന്നാണ് തീയണച്ചത്. സീനിയർ ഫയർ ഓഫിസർമാരായ ബാലു മഹേന്ദ്ര, മുഹമ്മദ് ആസിഫ്, ഫയർ ആൻഡ് റെസ്ക്യൂ ഓഫിസർമാരായ സുധീഷ്, അനൂപ്, നിഖിൽ, രഞ്ജിത്ത്, ജിനുകുമാർ, ഹോം ഗാർഡുമാരായ മുരളീധരൻ, വിജയൻ എന്നിവർ രക്ഷാപ്രവർത്തനത്തിൽ പങ്കാളികളായി.