താമരശ്ശേരി ചുരത്തിൽ വൻ മണ്ണിടിച്ചിൽ; അപകടം വ്യൂ പോയിന്റിൽ: ഗതാഗതം തടസ്സപ്പെട്ടു.

താമരശ്ശേരി : താമരശ്ശേരി ചുരത്തിലെ വ്യൂ പോയിന്റ് ഭാഗത്ത് ചൊവ്വാഴ്ച രാത്രി ഏഴുമണിയോടെ ഉണ്ടായ മണ്ണിടിച്ചിലിനെ തുടർന്ന് ഗതാഗതം തടസ്സപ്പെട്ടു. പാറകളും മണ്ണും റോഡിലേക്ക് വീണതോടെ വാഹനങ്ങൾ നീങ്ങാൻ ബുദ്ധിമുട്ട് നേരിട്ടു.

വയനാട് ജില്ലാ കലക്ടർ ഡി.ആർ. മേഘശ്രീ അറിയിച്ചതിൽ പ്രകാരം, ഇപ്പോൾ കോഴിക്കോട്–വയനാട് ഇടയിലുള്ള യാത്രയ്ക്കായി കുറ്റ്യാടി ചുരം പോലുള്ള മറ്റ് വഴികൾ ഉപയോഗിക്കാമെന്ന് നിർദേശിച്ചിട്ടുണ്ട്. താമരശ്ശേരി മുതൽ പേരാമ്പ്ര വഴി കുറ്റ്യാടി ചുരം വഴിയാണ് യാത്രക്കാർക്ക് മാറ്റുവഴി ലഭ്യമാകുന്നത്.